Vesa Luma kapet mat me nje djale brun

Vesa Luma ka mbi dy vite që frekuentohet me vëllain e aktores së njohur Arta Dobroshi. Që në fillim ajo e ka deklaruar hapur këtë lidhje ndryshe nga koleget e saj, të cilat bëjnë ç’është e mundur, që të mos ekspozohen në publik. Vesa ka ardhur edhe në Tiranë shumë shpesh e shoqëruar nga miku i saj, i cili i ka ndenjur pranë në të gjitha aktivitetet e saj. Ndërkohë, ka disa herë që Vesa kur vjen në Tiranë nuk është e shoqëruar nga zoti Dobroshi. Jo vetëm kaq, por disa kolegë të saj tregojnë se ajo po shoqërohet vazhdimisht me një djalë brun. Disa ditë më parë Vesa ishte në një nga lokalet e natës së Tiranës. Paparaci ynë e kap në këto foto që po publikojmë për ju. Nuk e dimë nëse ky është një mik i Vesës, një i panjohur apo ai bruni për të cilin flasin të njohurit e saj. Madje, disa të tjerë pohojnë se Vesa me mikun nga Kosova po përjetojnë një marrëdhënie krize. Natyrisht, në çdo çift marrëdhëniet kanë ulje ngritjet e tyre, ndërkohë që ne nuk e dimë nëse kriza mes tyre është kalimitare apo diçka serioze. Shpresojmë të marrim shpejegime nga vetë Vesa në javët në vazhdim.