West: Kurrë mos dyshoni në burrërinë time

Superylli i muzikës rep, Kanye West, ka fajësuar ueb sajtet e thashethemeve që vazhdojnë të spekulojnë rreth seksualitetit, duke thënë se burrëria e tij kurrë nuk duhet të nxirret në pyetje.
Krijuesi i hitit “Stronger”, fejesa e të cilit me disenjatoren e modës Alexis Phifer përfundoi në vitin 2008, një kohë të gjatë u përfol se ishte gay dhe e ruante këtë sekret.

“E di se jeta ime është një Truman Show për secilin për të gjykuar dhe komentuar, por vërtet nuk jam duke bërë shou. Nuk bëj asgjë për kamerë. Kam disa probleme me egon, por kurrë nuk mund të pyetet për burrërinë time. Kjo është një mesazh për të gjithë!”, ka thënë West.