Jessica Alba largohet nga Los Angeles

Aktorja Jessica Alba dhe burri i saj Cash Warren raportohet dëshirojnë të jetojnë në New York.
Dyshja, të cilët kanë vajzën nëntë-muajshe Honor, janë parë gjatë vikendit duke kërkuar vendbanim në pjesën lindore të qytetit, me burime të afërta që thonë se ata dëshirojnë të largohen nga Los Angelesi.

“Jessica dhe Cash janë takuar me shumë agjentë të patundshmërive për të parë disa apartamente. Ata pëlqejnë idenë e të jetuarit në Manhattan dhe janë të interesuar të investojnë në pronat në ndërtim e sipër, ashtu që të mund të kenë ndikim në mënyrën se si do të duket vendi”, ka bërë të ditur një burim i afërt me çiftin.

Alba dhe Cash janë në kërkim të një vendbanimi më të madh, pasi raportohet se aktorja dëshiron të ketë edhe një foshnjë tjetër.