Dua te ndihem i vleresuar

Qetsori ka pyetur: “Më mirë i mirë dhe i varfër, apo kavie dhe i pasur?”. Arjani nuk ka qenë dakord me këtë krahasim. Më pas ai ka shtuar se një njeri i mirë, por që mbetet gjithmonë i varfër, i binte të ishte budalla. Adi ka thënë se preferonte të ishte kavie me 70 mijë euro në xhep, ndërsa Arjani ka thënë se donte të ishte njeri i mirë dhe i varfër. Sipas Adit, kjo që po thoshte nuk e justifikonte hyrjen e tij në Big Brother, por Arjani nuk ka qenë dakord. Ai ka shtuar se lekët atij nuk i kishin munguar kurrë e nuk do t’i mungonin ndonjëherë, pasi për këtë kishte menduar babai dhe vëllai i tij. Ai ka thënë se vet nuk diti t’i mbante ato që siguroi në rini, por të paktën i kishte kthyer në dije, i kishte investuar për veten. “Pasuria ime është mbi gjashtë zero!”- ka thënë ai, - mua 70 mijë euro nuk më hyjnë as në vesh!”. “Leku nuk të bën të mirë!”- ka shtuar ai. Në vijim ai ka thënë se e rëndësishme për të ishte ta fillonte e ta mbaronte ditën me impenjim dhe jo të rrinte kot. “E ndjej që kam gjëra për të dhënë, - ka thënë ai, - dhe për këto dua të ndihem i vlerësuar!”. Ai ka përfunduar duke thënë se nuk i vlerësonte të tjerët nga lekët që kishin dhe donte që dhe të tjerët të bënin të njëjtën gjë me të.