Benitez, 100 milone per Silva, Vija e Barry

Treshja Gareth Barry nga Aston Vila dhe David Vija & David Silva nga Valencia janë objektivi i Liverpulit për në verë dhe për këtë arsye trajneri i “Reds”-ave, Rafa Benitez, kërkon t‘i vihen në dispozicion rreth 100 milionë sterlina (afërsisht 106.3 milionë euro). Tekniku spanjoll është në pritje të sinjalit të klubit për të nisur shpenzimin e kësaj shume. Blerja e kësaj tresheje do të garantonte edhe një skuadër që synon edhe titullin në Premier Leagues dhe jo vetëm Champions League. Lajmi është bërë i ditur nga tabloidi britanik “The Sunday Mirror”. Me sa duket pronarët amerikanë të “Reds” janë të gatshëm të mbështesin menaxherin e tyre, Rafa Benitez, drejt arritjes së këtyre tri blerjeve. Këto tri përforcime janë shumë të dëshiruara nga trajneri spanjoll i Livepulit, që është i gatshëm të rindërtojë një skuadër pretendente për sezonin e ardhshëm. Po ashtu sipas gazetës, Benitez, ka identifikuar lojtarin e krahut të djathtë të Vigan Atletik, Antonio Valencia, edhe pse zërat e fundit flasin për një kalim shumë të mundshëm të tij në radhët e skuadrës rivale të Mançester Junajtid. Sipas shtypit britanik, një tjetër blerje shumë e kërkuar e Benitezit është edhe ajo e holandezit të Realit të Madridit, Arjen Robben. “The Daily Star” shkruante se trajneri i “Reds”-ave po planifikon rreth 20 milionë sterlina për të marrë ish-lojtarin e Çelsit që militon tashmë te madrilenët. Paraqitja e mirë e holandezit në radhët e Realit në këtë sezon e ka bërë për vetë tekniku spanjoll të anglezëve, i cili e dëshiron me çdo kusht në skuadër. Në një prononcim të djeshëm, pas fitores së thellë 5-0 ndaj Aston Vilas, trajneri i Liverpulit, theksoi se është Mançesteri, ai që i ka në dorë fatet e titullit. Falë rezultatit të së dielës, diferenca mes dy skuadrave është reduktuar në një pikë, por Liverpuli ka një golavarazh më të mirë (+33 kundrejt +31). Por Mançesteri ka një ndeshje më pak se rivalët. “E kemi thënë dhe më parë se na duhet të bëjmë punën tonë dhe të presim ndonjë gabim të Junajtid, tha Benitez. Tani jemi më afër, por ata janë në një pozicion më të mirë. Na duhet të mbajmë ritmin. Tani si për ne ashtu edhe për ata çdo ndeshje duhet konsideruar si një finale. Por të gjithë e dinë tashmë se fatet e titullit janë në dorën e Mançesterit jo tonën.

Marre nga: Gazeta Shqip