Shkatërron automjetin, edhe para se të dalë prej oborrit të vet

Shkatërron automjetin, edhe para se të dalë prej oborrit të vet
Policia nga Nebraska të Shteteve të Bashkuara të Amerikës ka arrestuar një grua e cila duke dalë nga parkimi para shtëpisë me automjetin e saj i ka shkaktuar disa aksidente.

Së pari e ka goditur gardhin para shtëpisë së saj duke u kthyer mbrapsht. Më pas e ka goditur shtyllën elektrike të ndriçimit të rrugës, e më pas edhe derën e garazhit të saj duke tentuar të kthehet. Kjo nuk është e tëra. E vendosur që të vazhdoj tutje, ka kaluar nëpërmes një livadhi dhe ka goditur në një shtëpi.

Dëmi i kalkuluar ka qenë rreth 26.000 dollarë, derisa policia shpejt e ka arrestuar nën dyshimin se ka qenë në gjendje të alkoolizuar.

Megjithatë, kur dihet se bëhet fjalë për SHBA, 58-vjeçarja Janis Brown, vozitësja me aftësi të dyshimta të vozitjes, është liruar me kaucion prej 200 dollarësh derisa nuk të dëshmohet fajësia nëse me të vërtetë ka qenë nën ndikimin e alkoolit apo thjesht është një vozitëse e dobët.