Edhe Wikia Search i nënshtrohet recesionit

Edhe Wikia Search i nënshtrohet recesionit

Wikia Search, projekti i themeluesit të Wikipedias Jimmy Wales, është shuar zyrtarisht pasi që nuk ka arritur të tërheqë vizitorë, derisa shpenzimet e mirëmbajtjes megjithatë janë tepër të mëdha që shërbimi të mbijetojë në këto kohë të krizës ekonomike.
Wikia Search është dashur të jetë një kryqëzim në mes të Google Search e Wikipedias, një makinë kërkimi rezultatet e së cilës i përcaktojnë vet përdoruesit. Mirëpo themeluesi i Wikipedias Jimmy Wales thjesht nuk ka arritur që tek përdoruesit të nxisë entuziazëm sikur tek Wikipedia, prandaj Wikia Search gjatë gjashtë muajve të fundit ka pasur vetëm dhjetëra mijëra vizitorë në baza mujore.

Pothuajse askujt nuk i ka shkuar në mend që këtë makinë kërkimi të fillojë ta përdorë në baza ditore, derisa puna e një grupi entuziastësh të cilët i kanë përcaktuar paraqitjet e rezultateve është treguar tani për tani e kotë.

Po themi tani për tani, sepse Wales premton se Wikia Search do të ringjallet sërish kur të kalojë kriza ekonomike, edhe pse kur të kalojë kriza, ndoshta do të jetë tepër vonë për të.