Dafina: Eshte nje klip ekstra sepse tregoj se kush jam

Dafina: Eshte nje klip ekstra sepse tregoj se kush jam
Këngëtarja Dafina Zeqiri të dielën para Teatrit Kombëtar ka filluar xhirimet e video-klipit të këngës solo “Shumë larg”. Ky klip, i cili është i pari për këngëtaren, sipas saj do të jetë shumë veçanet. Dafina tha për Kosovapress se jemi duke përgatit një video-klip me produksionin “Pulla pikqer” dhe beson se ky video-klip do të del shumë interesant, pasi që është një këngë solo dhe se kjo është hera e parë që bënë një video-klip pa bashkëpunim me ndonjë këngëtar tjetër.

“Është diçka më ekstra dhe në këtë klip, e tregoj vetën se kush është Dafina. Besoj që do t’i pëlqen të gjithëve”, tha Dafina. Xhirimet për këtë video-klip do të bëhen në rrugët e kryeqytetit dhe në parkun Germia. Ndërsa, sa i përket projekteve që kohëve të fundit është duke u marr rreth muzikës, Dafina tha se është duke përgatit shumë këngë sola, duke paralajmëruar se klipi i dytë i saj do të jetë gjatë verës. Dafina kohëve të fundit ka qenë shumë prezent edhe nëpër festivale të ndryshme, siç është tash “Top fest” ku ka shkuar në finale. Ajo ka bërë të ditur se do të marr pjesë edhe në “Video fest”, që do të mbahet më 12 maj.